پونے: بھارتی کرکٹ ٹیم کے کپتان ویرات کوہلی کپتان کی حیثیت سے سب سے زیادہ ڈیڑھ سو یا اس سے زائد رنز کی اننگز کھیلنے والے کھلاڑی بن گئے، انہوں نے آسٹریلیا کے سر ڈان بریڈمین کو پیچھے چھوڑ دیا جنہوں نے 8 مرتبہ یہ کارنامہ انجام دیا تھا۔

ویرات نے جنوبی افریقہ کے خلاف سیریز کے دوسرے ٹیسٹ میں ڈبل سینچری بناکر یہ کارنامہ انجام دیا، انہوں نے 254 رنز کی ناقابل شکست اننگز کھیلی اور نویں مرتبہ کپتان کی حیثیت سے ڈیڑھ سو رنز کا ہندسہ عبور کیا۔