لاہور: پاکستان کرکٹ ٹیم کے کپتان سرفراز احمد کا کہنا ہے کہ ہم نے دونوں میچوں میں اچھی کرکٹ نہیں کھیلی اور یہی وجہ ہے کہ ہم کامیابی حاصل نہیں کرسکے۔

پوسٹ میچ پریزینٹیشن سرمنی میں گفتگو کرتے ہوئے قومی کپتان نے کہا کہ ہمیں بولنگ اور فیلڈنگ میں ورک آؤٹ کی ضرورت ہے، فیلڈرز نے 2 اہم رن آؤٹ کے مواقع ضائع کئے۔

انہوں نے مزید کہا کہ ہمیں بولنگ میں غلطیوں سے سبق سیکھنا ہوگا، مڈل اوورز میں بولرز نے اچھی کارکردگی کا مظاہرہ نہیں کیا۔

عمر اکمل اور احمد شہزاد کی ناقص کارکردگی پر کپتان نے کہا کہ دونوں کھلاڑیوں کو ان کی پرفارمنس پر موقع دیا۔

واضح رہے کہ آج پاکستان کو 3 ٹی ٹوینٹی میچز پر مشتمل سیریز کے دوسرے میچ میں بھی 35 رنز سے شکست ہوئی ہے اور اس کے ساتھ ہی آئی لینڈرز نے سیریز میں 0-2 کی فیصلہ کن برتری حاصل کرلی ہے۔