پاکستان کے مایہ ناز کرکٹر شعیب ملک کی اہلیہ بھارتی ٹینس اسٹار ثانیہ مرزا کی بہن انعم مرزا جلد ہی دوسری شادی کرنے جارہی ہیں۔

غیرملکی میڈیا رپورٹس کے مطابق ثانیہ مرزا کی چھوٹی بہن 25 سالہ انعم مرزا جلد ہی بھارتی کرکٹ ٹیم کے سابق کپتان اظہرالدین کے بیٹے کے ہمراہ شادی کے بندھن میں بندھ جائیں گی، جس کی تصدیق ٹینس اسٹار بھی کرچکی ہیں۔

انعم مرزا ایک معروف فیشن ڈیزائنر ہیں، ان کی پہلی شادی ناکام ہوگئی تھی تاہم اب وہ دوسری بار شادی کرنے جارہی ہیں۔ وہ سابق بھارتی کپتان اظہرالدین کے بیٹے اسد اظہر سے شادی کریں گی۔

انعم مرزا کی پہلی شادی بھارتی کاروباری شخصیت اکبر رشید سے ہوئی تھی لیکن یہ شادی زیادہ عرصہ نہ چل سکی اور گزشتہ برس اپنے انجام کو پہنچی۔

 

View this post on Instagram

 

Family ❤️ @asad_ab18

A post shared by Sania Mirza (@mirzasaniar) on Mar 5, 2019 at 12:09am PST

انعم مرزا کی شادی سے متعلق ثانیہ مرزا کا کہنا ہے کہ دراصل اُن کی شادی دسمبر میں ہے لیکن اس کے لئے ہم بہت پرجوش ہیں۔

ثانیہ کا مزید کہنا ہے کہ انعم ایک خوبصورت نوجوان سے شادی کررہی ہیں جو بھارتی کرکٹ ٹیم کے سابق کپتان محمد اظہرالدین کے بیٹے ہیں، ان کا نام اسد ہے اور ہمیں سچ میں اس کی بہت زیادہ خوشی ہے۔

واضح رہے کہ انعم اور اسد کی ملاقات کچھ عرصہ قبل ہوئی جس کے بعد دونوں میں گہری دوستی ہوئی اور پھر یہ دوستی محبت میں تبدیل ہوگئی، جس کے بعد دونوں خاندانوں نے دسمبر میں ان دونوں کی شادی کا فیصلہ کیا ہے۔