ورلڈ بینک نے کہا ہے کہ اگلے 30 سالوں میں پاکستان کی معیشت کا شمار بڑی مارکیٹ میں ہوگا۔

ورلڈ بینک کے کنٹری ڈائریکٹرنے کہا کہ حکومت ٹیکس سسٹم میں آسانیاں پیدا کررہی ہے۔ مستحکم نظام کے ذریعے معیشت میں بہتری آسکتی ہے ۔

اسلام آباد کے نجی ہوٹل میں منعقدہ کانفرنس سے خطاب میں ورلڈ بینک کے کنٹری ڈائریکٹرنے کہا کہ معیشت کی بہتری کیلئے ملکر کام کرنے کی ضرورت ہے۔ اگلے تیس سالوں میں پاکستان کی معیشت کا شمار بڑی مارکیٹ میں ہوگا۔ پاکستان میں آبادی کا تناسب گروتھ ریٹ سے دوگنا ہے۔

انہوں نے مزید کہا کہ پاکستان کی معیشت کو مختلف مسائل کا سامنا ہے۔ پاکستان کا شہر کراچی معیشت کا حب ہے، لیکن انفراسٹکچر سمیت بہت مسائل ہیں۔

ان کا کہنا تھا کہ پاکستان میں انویسمنٹ دیگر ساؤتھ ایشیا ممالک کی نسبت کم ہے۔ حکومت ٹیکس سسٹم میں آسانیاں پیدا کر رہی ہے۔ مستحکم نظام کے ذریعے معیشت میں بہتری آ سکتی ہے۔