سپریم کورٹ نے پنجاب حکومت کو آٹا برآمد کرنے والی فلور ملز کو بینک گارنٹی واپس کرنے کا حکم دے دیا۔ عدالت نے کہاکہ تجارتی حجم کم ہونا ملکی معیشت کیلئے نقصان دہ ہے۔ کاروباری طبقے کو سہولیات دی جائیں ناکہ مشکلات پیدا کی جائیں۔ بدقسمتی سے ایکسپورٹرز کے کام میں روڑے اٹکائے جا رہے ہیں۔

 آٹا برآمد کرنے والی فلور ملز کو بینک گارنٹی سے متعلق کیس کی سماعت جسٹس مشیر عالم کی سربراہی میں تین رکنی بنچ نے کی۔

عدالت نے فلور ملزم کو بینک گارنٹی واپس کرنے کے حکم کیخلاف پنجاب حکومت کی اپیل خارج کر دی۔  سپریم کورٹ نے کہا کہ بدقسمتی سے ایکسپورٹرز کے کام میں روڑے اٹکائے جا رہے ہیں۔ برآمدات متاثر ہونے سے ملکی تجارتی حجم کم ہوگا۔  تجارتی حجم کم ہونا ملکی معیشت کیلئے نقصان دہ ہے۔ کاروباری طبقے کو سہولیات دی جائیں ناکہ مشکلات پیدا کی جائیں۔

ڈائریکٹر فوڈ پنجاب نے عدالت کو بتایا کہ فلور ملز محکمہ خوراک کو مطمئن نہ کر سکیں تو جسٹس فائزعیسیٰ نے کہا کہ آپ نے اپنے اطمینان کیلئے کونسے دستاویزات مانگے تھے جو نہیں ملے؟ آپ پتا نہیں کس طرح کا اطمینان چاہتے ہیں۔  جسٹس مشیر عالم نے کہا کہ ایک طرف کہتے ہیں کاروباری طبقے کو سہولیات دی جائیں گی، دوسری طرف کاروباری افراد کیلئے مشکلات پیدا کی جا رہی ہیں۔