پاکستان کی معروف اسپورٹس جرنلسٹ زینب عباس نے اپنے ہنر کا لوہا منواکر دنیا بھر میں شہرت حاصل کرلی ہے اور اب انہوں نے یوٹیوب چینل لانچ کرنے کا فیصلہ بھی کرلیا ہے۔

گزشتہ دنوں پاکستانی فاسٹ بولر شعیب اختر کے یوٹیوب چینل پر ایک ویڈیو میں انہوں نے کہا کہ وہ بہت جلد اپنا یوٹیوب چینل لانچ کرنے والی ہیں جو ممکنہ طور پر مشترکہ تعاون کے ذریعے عمل میں آسکتا ہے۔

زینب عباس کا کہنا ہے کہ ان کا یوٹیوب چینل جلد آنے والا ہے جس کے لئے شعیب اختر نے انہیں بھرپور حوصلہ دیا ہے۔

شعیب اختر نے ان سے سوال کیا کہ آپ بھارت، انگلینڈ، سری لنکا اور دیگر ممالک میں اتنی مشہور ہیں کہ ہر کوئی مجھ سے آپ کا ہی سوال کرتا ہے تو زینب نے جواب دیا کہ میں ایمانداری سے اپنا کام کرتی ہوں اور دینے والی رب کی ذات ہے۔

زینب عباس نے شعیب اختر سے سوال کیا کہ آپ پوری دنیا گھومے ہیں اور ایک سے ایک حسین خاتون کو دیکھا ہے تو آپ کی نظر میں سب سے زیادہ خوبصورت کون؟ راولپنڈی ایکسپریس نے جواب دیتے ہوئے کہا کہ ایک تو کترینہ کیف ہے جسے میں شروع سے بہن کہتا ہوں اور ایک مرینا خان ہیں۔

ان کا مزید کیا کہنا تھا، ذیل میں دی گئی ویڈیو ملاحظہ کریں۔