دو ناکام شادیوں کے بعد ہالی وُڈ اداکار بریڈ پٹ کے حوالے سے ایک نئے معاشقے کی خبر گردش کرنے لگی ہے۔

بریڈ پٹ 2016 میں انجلینا جولی سے علیحدگی کے بعد کئی خواتین کے ساتھ نظر آئے، انجلینا جولی نے بریڈ پٹ پر بچوں پر تشدد کرنے اور منشیات کا استعمال کرنے کا الزام لگایا تھا جسے کے بعد 2016 میں ان دونوں کی طلاق ہوگئی تھی۔

اس کے بعد کچھ کے ساتھ ان کے افیئر بھی منظر عام پر آئے، یہاں تک کہ انہیں سابقہ بیوی اہلیہ جینیفر آنسٹن کے ساتھ بھی گھومتے دیکھا گیا، مگر انہوں نے ان میں سے کسی کے ساتھ اپنے تعلق کو قبول نہ کیا۔

تاہم ابھی مغربی میڈیا میں گردش کرنے والی خبروں کے مطابق بریڈ پٹ کو اپنی روحانی پیشوا یا گرو ایک سکھ خاتون سے عشق ہوگیا ہے۔

سکھ روحانی پیشوا خاتون "ست ہری خالصا" اور بریڈ پٹ کے تعلقات کی خبریں انٹرنیشنل میڈیا پر تیزی سے سامنے آرہی ہیں اور انہیں 55 سالہ براڈ پٹ کی نئی گرل فرینڈ کے طور پر پہچانا جارہا ہے۔

ڈیلی میل کی رپورٹ کے مطابق ان دونوں کی ملاقات گزشتہ سال ہوئی تھی جس کے بعد سے ان کا معاشقہ چل رہا ہے۔ان دونوں کی ایک ساتھ تصاویر بھی سوشل میڈیا پر وائرل ہورہی ہیں، لیکن اس حوالے سے بریڈ پٹ نے خود کوئی بیان جاری نہیں کیا۔

رپورٹ کے مطابق سکھ روحانی پیشوا خاتون ست ہری خالصا ڈیزائنر بھی ہیں جو زیورات ڈیزائن کرتی ہیں۔ ہری خالصا کے ڈیزائنر برینڈ کا نام "امرت جیولری" ہے جو انہوں نے اپنی بیٹی کے نام پر رکھا ہے۔

ہالی وڈ اداکار کے قریبی ذرائع نے میڈیا کو بتایا کہ بریڈ پٹ کو ست ہری خالصا اس لیے پسند آئیں کیوں کہ وہ ایک بہادر خاتون ہیں جن کی سوچ نہایت خوبصورت ہے۔