شائقین انٹرنیشنل کرکٹ کا مزہ لینے کیلئے ایک روز اور انتظار کریں، پاکستان اور سری لنکا کے درمیان دوسرا ون ڈے پیر کو نیشنل اسٹیڈیم کراچی میں کھیلا جائے گا۔ دونوں ٹیمیں اتوار کے روز نیشنل اسٹیڈیم میں پریکٹس کریں گی۔

پہلا ون ڈے بارش کی نذر ہوا تو اب دوسرے پر نظریں لگ گئیں، گراؤنڈ کی حالت کھیلنے کے قابل نہیں ہے اس لئے دوسرا ون ڈے ری شیڈول کردیا گیا ہے۔ اب میچ اتوار کے بجائے پیر کو ہوگا۔

اتوار کیلئے خریدی گئی ٹکٹس پیر کو بھی قابل استعمال ہونگی جبکہ منسوخ شدہ میچ کے ٹکٹس ریفنڈ ہوسکتے ہیں یا پھر اسے بقیہ دو میچز میں بھی استعمال کیا جاسکتا ہے۔