پاکستانی ڈاکیومنٹری 'آرمڈ وِد فیتھ' نے ایمی ایوارڈ اپنے نام کرلیا۔ اس شارٹ فلم کی کہانی خیبر پختونخوا کے بم ڈسپوزل اسکواڈ کے بہادر جوانوں کے گرد گھوتی ہے کہ وہ کس طرح اپنی زندگیاں بسر کرتے ہیں۔

ایمی ایوارڈ انتظامیہ کی جانب سے ٹویٹ میں بتایا گیا کہ ایمی فار آؤٹ اسٹینڈنگ پولیٹکس اینڈ گورمنٹ ڈاکیومنٹری کا ایوارڈ 'آرمڈ وِد فیتھ' نے اپنے نام کرلیا ہے۔

The Emmy for Outstanding Politics and Government Documentary goes to @worldchannel for Doc World, "Armed With Faith." #NewsEmmys pic.twitter.com/VO8mBbcPMK

— News & Doc Emmys (@newsemmys) September 24, 2019

’آرمڈ ود فیتھ‘ کو ایمی اکیڈمی نے دنیا بھر کے معروف نیوز ٹی وی چینلز پر نشر ہونے والی دستاویزی فلم کے ساتھ نامزد کیا تھا۔

اس ڈاکیومنٹری کی پروڈیوسر شرمین عبید چنائے نے فیس بک کی مدد سے ہدایتکار اسد فاروقی کو مبارکباد دی۔