بھارتی وزیراعظم مودی کو بل گیٹس کی فاونڈیشن کی جانب سے ایوارڈ دینے پر اسکے ملازم آواز اٹھانے لگ گئے۔

بھارتی انتہاپسند وزیراعظم نریندر مودی کو گیٹس فاونڈیشن کی جانب سے ایوارڈ نوازنے پر این جی او کی سینئر افسر صبا حمید نے احتجاجی طور پر اپنے عہدے سے استعفی دے دیا۔

بیالیس سالہ صباحمید بل اینڈ میلینڈا فاونڈیشن میں کمیونیکشن کےمحکمے سے وابستہ ہیں اور وہ یہاں پر گزشتہ تین سال سے زائد عرصے سے ملازمت کررہی ہیں۔ صباحمید نے اپنے استعفے کی تصدیق کی ہے۔

صبا نے مزید بتایا کہ انہوں نے اپنے عہدے سے احتجاجی طور پر استعفی دیا ہے کیونکہ مودی کو اس ایوارڈ سے نوازا جارہا ہے۔ اور یہ ایوارڈ مودی کوانسانی حقوق کی بڑی پیمانے پر خلاف ورزیوں اور مقبوضہ کشمیر میں مواصلاتی بلیک آوٹ کے باوجود دیا جارہا ہے۔

Source: Kashmir Media Service