سری لنکا کیخلاف ون ڈے سیریز کھیلنے کے لیے قومی کرکٹ ٹیم لاہور سے کراچی پہنچ گئی۔ سری لنکن ٹیم دورہ پاکستان پر آج کراچی پہنچے گی۔

دونوں ٹیمیں بدھ کے روز نیشنل اسٹیڈیم میں پریکٹس کریں گی۔

سری لنکن ٹیم سے مقابلے کے لیے پاکستان ٹیم کی تیاریاں جاری ہیں۔ ون ڈے اسکواڈ نے کراچی میں ڈیرے ڈال لیے ہیں۔

پاکستان کے 16 رکنی اسکواڈ میں شامل 12 کھلاڑی پہلی بار ہوم گراؤنڈ پر ون ڈے انٹرنیشنل کھیلیں گے۔

سیریز کے لیے ٹکٹوں کی فروخت کا سلسلہ جاری ہے، فینز ایکشن دیکھنے کے لیے بے تاب ہیں۔

تین میچوں کی سیریز کا پہلا ون ڈے 27 ستمبر کو نیشنل اسٹیڈیم کراچی میں کھیلا جائے گا۔