وزیراعظم عمران خان نے پاکستان میں موسمیاتی مسائل سے نمٹنے کیلئے عالمی تعاون اور مدد طلب کی ہے کیونکہ کوئی ملک اس چیلنج پر اکیلے قابو نہیں پا سکتا۔

وزیر عظم نے نیویارک میں اقوام متحدہ کی جنرل اسمبلی کے کلائمیٹ ایکشن کی سربراہ کانفرنس سے خطاب کرتے ہوئے کہا کہ پاکستان کا گرین ہاؤس گیسوں کے اخراجات میں دنیا میں صرف ایک فیصد حصہ ہونے کے باوجود ماحولیاتی تبدیلی سے سب سے زیادہ متاثر ہونے والے ملکوں میں شامل ہے۔

عمران خان نے کہا کہ پاکستان کو سرسبز بنانے اور ماحولیاتی تبدیلی کے مضراثرات کو کم کرنے کے لئے ایک ارب درخت لگائے گئے ہیں۔

وزیر اعظم نے کہا کہ ان کی حکومت نے ملک میں دس ارب درخت لگانے کا ہدف مقرر کیا ہے۔