چنیوٹ کے علاقے چک نمبر ایک سو اڑتیس کا رہائشی نوجوان کرکٹ کا رسیا ہے۔ وہ بلے نہیں بلکہ بانس کے ڈنڈے سے انتہائی مہارت سے چوکے چھکے لگاتا ہے۔

افتخار نامی یہ نوجوان گزشتہ آٹھ برسوں سے علاقے میں کرکٹ کھیل رہا ہے، جب وہ بانس کے ڈنڈے سے ہارڈ بال کو ہٹ کرتا ہے تو لوگوں کو بڑی حیرت ہوتی ہے۔

لوگ افتخار کا کھیل دیکھنے کیلئے دور دور سے آتے ہیں، وہ قومی کرکٹ ٹیم میں شامل ہونا چاہتا ہے اور اسی لئے اس نے وزیراعظم عمران خان سے اپیل کی ہے کہ اس صرف تین ماہ کرکٹ اکیڈمی میں کھیلنے کا موقع دیا جائے وہ اپنی صلاحیتوں کے بل بوتے پر اپنی جگہ خود بنالے گا۔