پاکستان کے سابق اوپننگ بلے باز اور موجودہ مایہ ناز کمنٹیٹر رمیز راجہ نے بھی سری لنکا کے 10 کھلاڑیوں کی جانب سے دورہ پاکستان سے انکار کرنے پر مایوسی کا اظہار کردیا۔

انہوں نے ٹویٹ کرتے ہوئے لکھا کہ معلوم نہیں کہ ایسی کیا وجہ ہوئی کہ سری لنکا کے دس کھلاڑیوں نے دورہ پاکستان پر آنے سے انکار کردیا۔

Don’t know what to read into 10 Sri Lankan players pulling out of Pak tour. Disappointing! And couple of them then opting instead to play franchise cricket. Wow!

— Ramiz Raja (@iramizraja) September 10, 2019

کرکٹ کے راجہ نے مزید کہا کہ ان میں سے کئی کھلاڑیوں نے دورہ پاکستان پر آنے کے بجائے فرنچائیز کرکٹ میں حصہ لینے کا فیصلہ کیا ہے، جو کہ باعث حیرت ہے۔

واضح رہے کہ گزشتہ دنوں سری لنکا کے 10 کھلاڑیوں (جن میں ون ڈے کپتان ڈیموتھ کرونارتنے اور ٹی ٹوینٹی کپتان لاستھ مالنگا بھی شامل ہیں) نے پاکستان کا دورہ کرنے سے معذرت کرلی تھی۔