قومی کرکٹ ٹیم کے کپتان سرفراز احمد نے عبدالقادر کے انتقال پر گہرے افسوس کا اظہار کیا ہے۔ کہتے ہیں کہ عبدالقادر عظیم کرکٹر تھے اور انہوں نے بہادری سے کرکٹ کھیلی۔

سابق ٹیسٹ کرکٹر اظہر خان، توصیف احمد، ذوالقرنین اور باسط علی نے مرحوم عبدالقادر کو عظیم کرکٹر قرار دیتے ہوئے کہا کہ دنیا بھر میں لیگ اسپین کو متعارف کرانے والے عبدالقادر تھے، کرکٹ کی دنیا میں ان کا نام ہمیشہ زندہ رہے گا۔

سابق چیف سلیکٹر انضمام الحق اور سابق ٹیسٹ کرکٹر مشتاق احمد کہتے ہیں کہ مرحوم عبدالقادر عظیم کرکٹر تھے، انہوں نے لیگ اسپین کو نئی جہد دی، وہ گگلی کے موجد تھے۔ ان کا پاکستان کرکٹ میں پیدا ہونے والا خلا کبھی پر نہیں ہوسکے گا۔