پاکستان کا پہلی سارک اسنوکرچیمپئن شپ میں ٹائٹل کنفرم ہوگیا۔ محمد بلال کے بعد اسجداقبال بھی پہلی سارک اسنوکر چیمپئن شپ کے فائنل میں پہنچ گئے، ایونٹ کے دوسرے سیمی فائنل میں اسجد نے بھارت کے لکشمن راوت کو زیر کیا۔

گیارہ فریمز پر مشتمل مقابلے میں اسجد نے چھ چار فریم سے فتح سمیٹی۔

اس سے قبل پہلے سیمی فائنل میں محمد بلال نے بھارت کے ہی سندیپ گلاٹی کو پچھاڑا تھا۔

انہوں نے گیارہ فریمز پر مشتمل میچ میں چھ صفر سے میدان مارا تھا۔