پاکستان کرکٹ بورڈ نے بنگلہ دیش ویمن ٹیم کے دورہ پاکستان کا شیڈول جاری کردیا، مہمان ٹیم دورے میں تین ٹی ٹوئنٹی اوردو ون ڈے میچز کھیلے گی.

پی سی بی کے مطابق بنگلا دیشی ویمن کرکٹ ٹیم تئیس اکتوبرکوپاکستان پہنچے گی, چھبیس اکتوبرسےچارنومبرتک لاہورمیں پاکستان ویمن ٹیم کیخلاف تین ٹی ٹوئنٹی اوردوون ڈے میچزکی سیریزکھیلےگی۔

سیریز کے تمام میچزقذافی اسٹیڈیم میں کھیلے جائیں گے، پہلا ٹی ٹوئنٹی چھبیس اکتوبر، دوسرا اٹھائیس اکتوبرجبکہ تیسرا اورآخری ٹی ٹوئنٹی تیس اکتوبرکوکھیلا جائےگا۔

دونوں ٹیموں کے درمیان پہلا ایک روزہ میچ دو نومبر اور دوسرا چارنومبرکوشیڈول ہے۔

یہ بنگلا دیش ویمن کرکٹ ٹیم کا گزشتہ چارسال میں پاکستان کا دوسرا دورہ ہے۔