انٹرنیشنل ٹینس فیڈریشن نے پاکستان اور بھارت کے درمیان آئندہ ماہ اسلام آباد میں ہونے والا ڈیوس کپ ٹائی نومبر تک ملتوی کردیا۔

آئی ٹی ایف کا کہنا ہے کہ پاکستان میں موجودہ صورتحال کو مدنظر رکھتے ہوئے آزاد سیکیورٹی ماہرین کی بنیاد پر ڈیوس کپ کمیٹی نے پاک بھارت ڈیوس کپ ٹائی کو ملتوی کرنے کا فیصلہ کیا ہے۔

ڈیوس کپ کمیٹی نے صورتحال کو غیر معمولی قرار دیا اور کہا کہ ٹائی کو نومبر تک ملتوی کیا جاتا ہے، نئی تاریخ کا اعلان 9 ستمبر تک کردیا جائے گا۔ اس دوران آئی ٹی ایف پاکستان میں سیکیورٹی معاملات کا جائزہ لیتی رہے گی۔