سری لنکا کیخلاف ٹی ٹوینٹی سیریز کیلئے نیوزی لینڈ کرکٹ بورڈ نے ٹیم کا اعلان کردیا، قیادت کین ولیمسن کی بجائے ٹم ساؤتھی کریں گے۔

کیوی سلیکشن کمیٹی کے سربراہ گیون لارسن کے مطابق کین ولیمسن اور ٹرینٹ بولٹ کو آرام کی غرض سے ٹیم میں شامل نہیں کیا گیا۔

اعلان کردہ 14 رکنی ٹیم میں کپتان ساؤتھی کے علاوہ ٹوڈ آسٹل، ٹام بروس، کولن ڈی گرینڈ ہوم، لوکی فرگیوسن، مارٹن گپٹل، اسکاٹ کگلائن، ڈیرل مچل، کولن منرو، سیٹھ رینس، مچل سینٹنر، ٹم سائیفرٹ، اِش سوڈھی اور تجربہ کار بلے باز راس ٹیلر شامل ہیں۔

Tim Southee will lead the team in the upcoming T20I series against @OfficialSLC. Squad News | https://t.co/wUAL1VMY1u #SLvNZ pic.twitter.com/71Tca4YS3I

— BLACKCAPS (@BLACKCAPS) August 20, 2019

کیوی سلیکشن کمیٹی کے سربراہ کا کہنا ہے کہ ورلڈکپ میں ٹیم نے بہترین پرفارمنس کا مظاہرہ کیا اور اب ٹی ٹوینٹی ورلڈکپ کیلئے بہترین ٹیم تیار کرنے کا عمل شروع کردیا گیا ہے۔

واضح رہے کہ سری لنکا اور نیوزی لینڈ کے درمیان ٹی ٹوینٹی سیریز یکم سے 6 ستمبر تک جاری رہے گی۔