رحیم یار خان: لڑکی کا بہروپ بنا کر محبوبہ سے ملنے جانے والا عاشق محلے داروں کے ہتھے چڑھ گیا۔ محلے داروں نے پہلے تو عاشق کے سر سے عشق کا بھوت اُتارا، پھر پولیس کے حوالے کردیا۔

لیاقت پور میں دن دیہاڑے ایک نوجوان برقع پہن کر اپنی محبوبہ سے ملنے کیلئے دوسرے محلے میں پہنچ گیا۔ گلی میں موجود لوگوں کو برقع پوش کے جوتے دیکھ کر شک ہوا تو انہوں نے تفتیش شروع کردی اور شاخت پوچھی۔

برقع میں چھپے عاشق نے جیسے ہی اپنی زبان کھولی تو محلے داروں پر ساری کہانی کھل گئی اور انہوں نے اس کی خوب درگت بنائی اور عاشقی کا بھوت اتارنے کے بعد پولیس کے حوالے کردیا۔ تھانہ سٹی پولیس نے نوجوان کو حراست میں لینے کے بعد مقدمہ درج کرلیا۔