پی سی بی نے ایسوسی ایشن کرکٹ ٹیموں کے انتخاب کے لیے مصباح الحق، راشد لطیف اور ندیم خان پر مشتمل پینل تشکیل دے دیا۔

 ترجمان پی سی بی کے مطابق تین رکنی پینل بائیس اگست کو قذافی اسٹیڈیم میں مشاورت کے بعد ایسوسی ایشن کرکٹ ٹیموں کو حتمی شکل دیں گے۔

آزادانہ پینل تمام ایسوسی ایشنز کے لیے 32 کھلاڑیوں کے انتخاب کے ساتھ ساتھ فرسٹ اور سیکنڈ الیون کے لیے کپتانوں کے نام بھی تجویز کرے گی۔

چھ ایسوسی ایشن کرکٹ ٹیموں کے لیے کھلاڑیوں کی ابتدائی فہرست جونیئر سلیکشن کمیٹی اور کوچز سمیت قومی کرکٹ ٹیم کی گذشتہ سلیکشن کمیٹی کے اراکین نے ترتیب دی۔