سابق امریکی مندوب رچرڈ باوچر نے کہا ہے کہ بھارت اب کبھی بھی پاکستان پر دراندازی پر الزام نہیں لگاسکتا۔

وائس آف امریکا کو اپنے انٹرویو میں انہوں نے کہا کہ مقبوضہ کشمیر میں درحقیقت مارشل لاء ہے اور وہاں انسانی حقوق سے مبرا اقدامات اٹھائے گئے ہیں ۔

ان کا کہنا تھا کہ بھارت نے کشمیر میں فسادات کا ذمے دار پاکستان کو ٹھرایا ہے لیکن اب بھارت ایسا نہیں کرسکے گا۔

انٹرویو میں انہوں نے مزید کہا کہ اب بھارت نے مقبوضہ کشمیر میں اپنی حکمرانی قائم کرلی ہے اور اب وہاں پر جو کچھ بھی ہوگا اسکی ذمے داری بھارت پر عائد ہوگی۔