کراچی: معروف پاکستانی اداکار حمزہ علی عباسی نے بھارتی چینل کی جانب سے خود کو آئی ایس آئی ایجنٹ قرار دینے پر زبردست جواب دے دیا۔

پاکستان سے نفرت میں مبتلا ایک بھارتی چینل "ری پبلک بھارت" نے حمزہ علی عباسی کو پاکستانی کی خفیہ ایجنسی اںٹر سروسز انٹیلی جنس (آئی ایس آئی) کا ایجنٹ قرار دیا۔

حمزہ علی عباسی نے بھارتی چینل پر نشر کی جانے والی خبر کے کچھ اسکرین شاٹس ٹویٹر پر شئیر کئے اور چینل کو کرارا جواب دیتے ہوئے کہا کہ بھارتی اداکار، صحافی اور جنگ کے حامی ارنب گوسوامی نے اپنی اور چینل کی شہرت کیلئے مجھے آئی ایس آئی کا خفیہ ایجنٹ قرار دیا۔

حمزہ نے کہا کہ میں یہ بات واضح کردینا چاہتا ہوں میں آئی ایس آئی کا خفیہ ایجنٹ نہیں ہوں بلکہ میں فخر سے سرعام کہتا ہوں کہ میں آئی ایس آئی کا ایجنٹ ہوں، جس طرح 20 کروڑ پاکستانی آئی ایس آئی ایجنٹ ہونے پر فخر کرتے ہیں۔

So tht over actor & war mongerer for ratings guy Arnab/his channel declared me an undercover ISI agent! Let me clarify, i am not an "undercover" ISI agent, i am very openly/proudly an ISI agent, just like more than 200 million Pakistanis are proud ISI agents! #15thAugustBlackDay pic.twitter.com/P6O4Qyk5ff

— Hamza Ali Abbasi (@iamhamzaabbasi) August 15, 2019

واضح رہے کہ مودی سرکار کی انتہا پسند پالیسی کی حمایت کرنے والا بھارتی میڈیا بھی کشمیریوں کی آواز دبانے میں پیش پیش ہے، یہاں تک کہ مودی سرکار کی کشمیر میں جاری خونریزی پر پردہ ڈالنے اور پاکستان کے خلاف زہر اگلنے میں بھارتی چینل منفی پراپیگنڈا کرنے میں مصروف ہیں۔