پاکستان کرکٹ ٹیم کے مایہ ناز بلے باز بابر اعظم ان دنوں ٹی ٹوینٹی بلاسٹ کھیل رہے ہیں جہاں وہ ایک کے بعد ایک کامیابی کے جھنڈے گاڑتے جارہے ہیں۔

سمرسیٹ کاؤنٹی کیلئے بابر اعظم کی اس شاندار کارکردگی کو جہاں مداح خوب سراہ رہے ہیں وہیں ان کے ٹیم میٹ ٹام بینٹن نے ان کی تعریف میں زبردست ٹویٹ کردیا۔

ٹام بینٹن نے بابر اعظم کے ساتھ اپنی تصویر شیئر کرتے ہوئے لکھا کہ 'اس عظیم بلے باز کو بیٹنگ کرتا دیکھ کر بہت خوش ہوں، کیا کھلاڑی ہے یہ'، ٹویٹ ملاحظہ کریں۔

Pleasure to watch this great man bat tonight. What a player🐐 @babarazam258 🙌🙌 @SomersetCCC #WeAreSomerset #blackbird pic.twitter.com/OwKmN0286p

— Tom Banton (@TomBanton18) August 9, 2019

بابر اعظم نے گزشتہ روز ہیمپشائر کاؤنٹی کیخلاف 55 گیندوں پر شاندار سینچری اسکور کی تھی، وہ ویٹالٹی ٹی ٹوینٹی لیگ میں اب تک سب سے زیادہ رنز بنانے والے بلے باز ہیں۔

اس سے قبل اسٹار بلے باز اسٹار بلے باز بابر اعظم کی وجہ سے کاؤنٹی کلب کے ڈیجیٹل مارکیٹنگ ایگزیکٹیو بین وارین کو ویب سائٹ کی ٹریفک گنجائش میں اضافہ کرنا پڑگیا تھا۔

معروف کرکٹ ویب سائٹ کی جانب سے کہا گیا تھا کہ ٹورنامنٹ میں سمرسیٹ کے پہلے میچ کے بعد ویب سائٹ سرور کی گنجائش میں اضافے کا فیصلہ کیا گیا تھا اور اسی وجہ سے دوسرے میچ کو لائیو بھی نہیں دکھایا گیا تھا۔