اسپین کے رافیل نڈال اٹلی کے فیبیو کو شکست دے کر راجرز کپ ٹینس ٹورنامنٹ کے سیمی فائنل میں جگہ بنالی ہے۔ سرینا ولیمز نے نومی اوساکا کو ہراکر فائنل کے لیے کوالیفائی کیا۔

مونٹریال میں جاری ٹینس ٹورنامنٹ میں دفاعی چیمپیئن رافیل نڈال کو فیبیو فوگنی کے خلاف فتح کے لئے سخت مزاحمت کا سامنا کرنا پڑا۔

پہلا سیٹ ہارنے کے باوجود نڈال نے اگلے دونوں سیٹ جیت کر سیمی فائنل میں جگہ بنائی، نڈال کی کامیابی کا اسکور دو چھ، چھ ایک اور چھ دو رہا۔

خواتین کیٹگری کے سیمی فائنل میں امریکہ کی سرینا ولیمز نے جاپان کی ناومی اوساکا کو اسٹریٹ سیٹ میں مات دے کر فائنل کے لئے کوالیفائی کیا۔

سرینا نے چھ تین اور چھ چار سے میچ اپنے نام کیا۔ پچھلے سال یو ایس اوپن کے فائنل میں شکست کے بعد سرینا کا ناؤمی سے یہ پہلا مقابلہ تھا۔