اقوام متحدہ کے سیکرٹری جنرل نے کشمیر میں حالیہ صورتحال پر بیان دیتے ہوئے کہا ہے کہ کشمیر میں حالیہ صورتحال کو تشویش سے دیکھ رہے ہیں۔

تفصیلات کے مطابق اقوام متحدہ کے سیکریٹری جنرل انتونیو گوتیریز کا کہنا ہے کہ کشمیر میں اقوام متحدہ کا موقف سلامتی کونسل کی قراردادوں اور چارٹر کے اصولوں پر مبنی ہے۔

شملہ معاہدے کی رو سے بھی کشمیر کا حل پر امن طریقے اور سلامتی کونسل کے چارٹر کے مطابق ہونا قرار پایا تھا، کشمیر میں بھارتی پابندیوں پر بھی تشویش ہے۔

ان کا مزید کہنا تھا کہ پابندیاں اور قدغنیں کشمیر میں انسانی حقوق کی سنگین خلاف ورزیوں میں اضافے کا باعث بن سکتی ہیں۔

فریقین سے اپیل ہے کہ وہ جموں کشمیر کے معروضی حالات اور زمینی حقائق تبدیل کرنے سے گریز کریں۔