کراچی: اکیس ویں سندھ اوپن گالف چیمپیئن شپ سولہ اگست سے کراچی میں کھیلی جائے گی، پاکستان بھرسے دوسو گالفرز حصہ لیں گے۔

کراچی پریس کلب میں ٹورنامنٹ کے روح رواں عارف علی خان عباسی، سندھ گالف ایسوسی ایشن کے صدر اسد آئی خان اور توصیف شاہ نے ایونٹ کی تفصیلات بتائیں۔

ان کا کہنا تھا کہ تین روزہ چیمپیئن شپ سولہ اگست سے کراچی کے عربیس سی کنٹری کلب میں شروع ہوگی۔ جس میں ایک سو بیس پروفیشنل اور پچاس سے زیادہ ایمیچرز گالفر ایکشن میں نظر آئیں گے۔

چیمپیئن شپ میں سینئرز، جونیئرز اور لیڈیز کٹیگری میں مقابلے ہونگے، چیمپیئن شپ کی کل انعامی رقم تیس لاکھ روپے رکھی گئی ہے۔ لاہور کے مطلوب احمد اپنے اعزاز کا دفاع کریں گے۔