کراچی: سری لنکا کرکٹ بورڈ کا اعلی سطحی وفد پاکستان میں ٹیسٹ میچوں کے لیے سیکورٹی انتظامات کا جائزہ لینے آج کراچی پہنچے گا، ٹیسٹ میچ اکتوبر میں کراچی اور لاہور میں کرانے کی تجویز ہے۔

تفصیلات کے مطابق سری لنکن کرکٹ بورڈ کا چار رکنی وفد چار روزہ دورے پر کولمبو سے  منگل کی سہ پہر کراچی پہنچے گا۔

وفد پاکستان میں مجوزہ  ٹیسٹ سیریز کے سیکورٹی انتظامات کا جائزہ  لے گا، میچز عالمی ٹیسٹ چیمپئین شپ کا حصہ ہیں۔

ٹیسٹ میچ اکتوبر میں کراچی اور لاہور میں کرانے کی تجویز ہے، چار رکنی وفد  بدھ کو نیشنل اسٹیڈیم کا دورہ کرے گا۔

وفد کو سیکوریٹی انتظامات کے حوالے سے بریفنگ دی جائے گی۔ وفد کی رپورٹ کی روشنی میں سری لنکا کرکٹ بورڈ  دورے کا فیصلہ کرے گا

 سیکوریٹی وفد جمعرات کو لاہور جائے گا۔