کراچی: محمد آصف، محمد احسن، محمد سجاد اورمبشر رضا گیارہویں قومی رینکنگ اسنوکرچیمپیئن شپ کے سیمی فائنل میں پہنچ گئے۔

این بی پی اسپورٹس کمپلیکس کراچی میں کھیلے جانے والے کوارٹر فائنل میں سابق عالمی چیمپیئن محمد آصف اور محمد شہباز کے درمیان کانٹے کا میچ ہوا۔

آصف نے چار کے مقابلے میں پانچ فریم سے فتح حاصل کی، آصف نے آخر فریم میں ایک سو چوبیس کا بریک بھی کھیلا۔ 

محمد احسن جاوید نے ذوالفقار قادر کو پانچ ایک سے آؤٹ کلاس کیا، جبکہ محمد سجاد نے احسن رمضان کو ہرایا۔ سجاد نے پہلے فریم میں سیچری بریک بنایا۔

اس کے علاوہ مبشر رضا نے نسیم اختر کے خلاف کامیابی حاصل کی۔