کراچی: قومی ہاکی چیمپئن شپ کی سیمی فائنل لائن اپ مکمل ہوگئی، نیشنل بینک، سوئی سدرن گیس، واپڈا اور واپڈا وائٹس نے آخری چار ٹیموں میں جگہ بنالی۔

عبدالستار ہاکی اسٹیڈیم کراچی میں جمعرات کے روز قومی ہاکی چیمپئن شپ کی سیمی فائنلسٹ ٹیموں کے فیصلے ہوئے۔

پہلے کوارٹر فائنل میں نیشنل بینک نے پاکستان نیوی کو ایک گول سے شکست دی جبکہ دوسرے میں سوئی سدرن گیس نے آرمی وائٹس کو پانچ صفر سے ہرایا۔

اس کے علاوہ واپڈا نے پی آئی اے کو دو کے مقابلے میں تین گول سے آؤٹ کلاس کیا جبکہ آخری کوارٹر فائنل میں واپڈا وائٹس نے آرمی کو چار کے مقابلے میں پانچ گول سے اپ سیٹ کیا۔

چیمپئین شپ کے سیمی فائنلز چار اگست جبکہ فائنل پانچ اگست ہوگا۔