سعودی ولی عہد شہزادہ محمد بن سلمان نے وزیر اعظم عمران خان کو سعودی عرب کے دورے کی دعوت دے دی۔

سعودی ولی عہد نے وزیر اعظم کو دورے کی دعوت دیتے ہوئے کہا کہ وہ اقوام متحدہ کی جنرل اسمبلی کے اجلاس میں شرکت کے لیے جاتے ہوئے یا واپسی پر سعودی عرب کا دورہ کریں۔

 وزیر اعظم عمران خان نے گذشتہ شام سعودی ولی عہد سے ٹیلی فون پر رابطہ کیا اور سعودی ولی عہد سے ان کے چچا پرنس بندر بن عبدالعزیز کے انتقال پر تعزیت کی ۔

وزیر اعظم نے گفتگو میں سعودی ولی عہد کے دورہ پاکستان کا ذکر کیا اور سعودی عرب کی جانب سے سیاسی و اقتصادی تعاون پر  شکریہ ادا کیا۔

سعودی ولی عہد نے وزیر اعظم عمران خان کو سعودی عرب کے دورے کی دعوت دیتے ہوئے کہا کہ ان کی خواہش کے کہ وہ یو این جنرل اسمبلی اجلاس کے لیے نیویارک جاتے یا واپسی پر سعودی عرب کا دورہ کریں۔