یورپین کرکٹ لیگ میں رومانین بولر کا منفرد ایکشن اُن کیلئے مذاق کا باعث بن گیا۔

کرکٹ میں منفرد بولنگ ایکشن متعدد بار سامنے آئے ہیں جن میں جنوبی افریقا کے پال ایڈمز، سری لنکا کے لیستھ ملنگا اور سری لنکا کے ہی مرلی دھرن کے ایکشنز نمایاں ہیں۔

اب یورپین کرکٹ لیگ میں رومانیہ کے گیند باز کے منفرد ایکشن نے ان کا مذاق بنوا دیا ہے۔

رپورٹ کے مطابق رومانیہ سے تعلق رکھنے والے کھلاڑی فلورین پاویل کی شائقین کرکٹ کے علاوہ بلے باز نے بھی خوب درگت بنائی اور انہیں کئی چھکے اور چوکے کھانے پڑے۔

Ladies and gentlemen ... welcome to the #EuropeanCricketLeague

pic.twitter.com/ctrhyJvs4b

— Fox Cricket (@FoxCricket) July 30, 2019

اس حوالے سے گیندباز فلورین پاویل نے کہا ہے کہ ان کا بولنگ ایکشن اور بولنگ اچھی نہیں لیکن انہیں کرکٹ سے محبت ہے اس لئے مذاق بننے کی پرواہ کئے بغیر وہ بولنگ جاری رکھیں گے۔

اسی حوالے سے مایاناز گیند باز اسپنر شین وارن نے پاویل کا دفاع کیا ہے اور ان کو مدد کی بھی پیش کش کردی ہے۔ فلورین پاویل ایک فرم میں باڈی گارڈ کی ملازمت کرتے ہیں اور اپنے فارغ اوقات میں کلج کرکٹ کلب کی جانب سے کرکٹ کھیلتے ہوئے اپنا شوق پورا کرتے ہیں۔ چالیس سالہ آل راؤنڈر پاویل فلورین نے یورپین کرکٹ لیگ میں ایک اوور کیا اور انہوں نے 13 رنز دئیے۔

انہوں نے مزید کہا کہ مئی میں کھیلے جانے والے ایک میچ میں انہوں نے تین اوور کے اسپیل میں 36 رنز دے کر دو وکٹیں حاصل کی تھیں۔ پاویل کی دو میچز میں بولنگ اور بیٹنگ نہیں آئی اور ان کی ٹیم کو ٹورنامنٹ کے تین میچز میں شکست کا سامنا کرنا پڑا۔

کرکٹر کا کہنا تھا کہ ہم لیگ کے تین میچز ہار چکے ہیں لیکن ہمارے حوصلے بلند ہیں اور ہمیں اس لیگ سے بہت کچھ سیکھنے کو بھی ملا ہے۔