کراچی: محکمہ تعلیم سندھ نے کل تمام تعلیمی ادارے کھلے رکھنے کا فیصلہ کرلیا، تمام سرکاری اسکولز، کالجز اور جامعات کھلی رہیں گی۔

محکمہ تعلیم کے مطابق سندھ بھر میں آج شام تک بارشیں رُک جائیں گی اور بارشیں ختم ہونے کے بعد تعلیمی ادارے بند ہونے کا کوئی جواز نہیں بنتا۔

محکمہ تعلیم سندھ نے کل تمام اساتذہ کو اسکول وقت پر پہنچنے کی ہدایت بھی کردی۔

واضح رہے گزشتہ روز موسم کے پیش نظر محکمہ تعلیم سندھ نے آج یعنی 30 جولائی کی تعطیل کا اعلان کیا تھا۔