بھارتی میڈیا نے تو قومی کرکٹر حسن علی کے نکاح دعوی کیا ہے لیکن حسن علی کچھ اور ہی کہتے ہیں، میڈیا پر خبریں چلنے کے بعد حسن علی نے ٹوئٹ میں لکھا کہ میری شادی ابھی کنفرم نہیں ہوئی۔

اپنی ٹویٹ میں انہوں نے مزید لکھا کہ دونوں خاندان ملاقات کریں گے پھر کچھ فیصلہ ہوگا، بات بن گئی تو باقاعدہ اعلان کریں گے۔

just wanna clarify my wedding is not confirmed yet, our families have yet to meet and decide upon it. will make a public announcement very soon in sha allah. #gettingreadyforfamilymeetup

— Hassan Ali 🇵🇰 (@RealHa55an) July 30, 2019

آج یہ خبر گردش کررہی ہے کہ قومی کرکٹ ٹیم کے فاسٹ بولرحسن علی بھارتی حسینہ کو دل دے بیٹھے ہیں اور بھارتی میڈیا کے مطابق حسن علی اور شامیہ آرزو کا نکاح 20 اگست کو دبئی میں ہوگا۔

ظہیرعباس، محسن خان اور شعیب ملک کے بعد ایک اور پاکستانی کرکٹر بھارت کے داماد بننے جا رہے ہیں، فاسٹ بولرحسن علی بھارتی لڑکی شامیہ آرزو کے ساتھ شادی کے بندھن میں بندھنے جارہے ہیں۔

شامیہ آرزو کا تعلق بھارتی ریاست ہریانہ کے علاقے میواٹ سے ہے، وہ دبئی کی ائیرلائن میں فلائٹ انجینئر ہیں۔

بھارتی میڈیا نے لڑکی کے والد کے حوالے سے دعویٰ کیا ہے کہ حسن علی اور شامیہ کا نکاح 20 اگست کودبئی میں طے ہوا ہے۔

سابق ٹیسٹ کرکٹر ظہیرعباس اور محسن خان بھارتی خواتین سے شادی کرچکے ہیں جبکہ موجودہ کرکٹر شعیب ملک کی اہلیہ ثانیہ مرزا کا تعلق بھی بھارت سے ہی ہے۔