پاکستان کرکٹ بورڈ کے مینجنگ ڈائریکٹر وسیم خان کا کہنا ہے کہ امام الحق نے فلرٹ کرنے پر معذرت کرلی۔

تفصیلات کے مطابق ایم ڈی پی سی بی کا لاہور میں میڈیا سے گفتگو کرتے ہوئے کہنا تھا کہ امام الحق کو بتادیا ہے کہ ایسا رویہ قابل قبول نہیں ہے۔

انہوں نے مزید کہا تھا کہ کپتان سرفراز احمد کے مستقبل کا فیصلہ 2 اگست کے اجلاس میں نہیں ہوگا۔

واضح رہے گزشتہ دنوں سوشل میڈیا پر امام الحق کے مبینہ واٹس اپ میسجز سامنے آئے تھے، جس میں سوشل میڈیا صارف کی جانب سے الزام عائد کیا گیا تھا کہ امام گزشتہ چھ ماہ سے کئی لڑکیوں سے رابطے میں ہیں اور انہوں نے کئی لڑکیوں سے دھوکا دہی کی ہے۔

ابتدائی طور پر یہ معاملہ سامنے آنے کے بعد پی سی بی حکام نے موقف اپنایا تھا کہ یہ امام الحق کا ذاتی معاملہ ہے اور بورڈ اس پر کوئی کمنٹ نہیں کرے گا۔