کراچی: قومی ہاکی پلئرز کا حوصلہ بڑھانے کیلئے معروف اداکارہ مہوش حیات عبدالستار ہاکی اسٹیڈیم پہنچیں اور کھلاڑیوں سے گھل مل گئیں۔

اس موقع پر ان کا کہنا تھا کہ مجھے افسوس ہوا کہ ہمارا قومی کھیل ہونے کے باوجود کوئی ہاکی میچ دیکھنے نہیں آتا۔

انہوں نے مزید کہا کہ ہم کرکٹ کو بہت زیادہ اٹھاتے ہیں لیکن جس کھیل کے ہم 4 مرتبہ چیمپئن بنے اس جانب ہماری توجہ ہی نہیں ہے۔

اس موقع پر انہوں نے قومی کھلاڑیوں کے ساتھ ہاکی بھی کھیلی اور کھلاڑیوں کے ساتھ گروپ فوٹو بھی بنوائی ساتھ ہی خوب نعرے بھی لگائے۔