سیشن کورٹ لاہور نے اداکار محسن عباس کے بیوی پر تشدد کیس میں پچاس ہزار کے مچلکوں کے عوض عبوری ضمانت منظور کرلی۔

ایڈیشنل سیشن جج تجمل شہزاد کے روبرو اداکار محسن عباس عبوری ضمانت کے لیے پیش ہوئے،عدالت کو بتایا گیا کہ ان کی اہلیہ نے ان پر تشدد کرنے کے الزام کے تحت مقدمہ درج کروایا ہے۔

مقدمے میں درج دفعات قابل ضمانت ہیں،عدالت عبوری ضمانت منظور کرے۔ عدالت نے دلائل سننے کے بعد ملزم کی پچاس ہزار روپے کے مچلکوں کے عوض پانچ اگست تک عبوری ضمانت منظور کر لی۔