کراچی میں نیشنل ہاکی چیمپئن شپ کا بد انتظامی کے ساتھ آغاز ہوگیا، کھلاڑیوں کیلئے میدان میں پانی اور ایمبولینس کا انتظام نہ تھا، ایک ٹیم کی کٹس دوسری ٹیم کو پہنوا کر میچ کھیلا گیا۔

قومی کھیل ہاکی سے کھلواڑ، نیشنل ہاکی چیمپئن شپ میں بدانتظامی عروج پر۔۔ کھلاڑی کھیلیں یا پانی بھریں انتظامیہ کو کوئی پرواہ نہیں۔

زخمیوں کیلئے بھی کوئی سہولت نہیں، ایمبولنس کے بجائے موٹرسائیکل پر اسپتال لے جایا گیا۔

انتظامیہ وقت پر کٹس بھی تیار نہ کراسکی، پنجاب کی ٹیم نے خیبر پختونخوا کی کٹ پہن کر میچ کھیلا۔