سندھ بلڈنگ کنٹرول اتھارٹی کے اجلاس میں افسران کے درمیان مکے اور لاتیں چل گئیں، کس نے کتنا مال بنایا افسران نے سب اگل دیا،لیکن ڈائریکٹر جنرل بےبسی سےخاموش بیٹھےرہے، نہ کوئی معطل ہوا،نہ کسی کو شوکاز ملا۔

سانجھے کی ہانڈی بیچ چوراہے پر پھوٹ گئی، سندھ بلڈنگ کنٹرول اتھارٹی کے اجلاس میں  افسران کی مارکٹائی،  منہ بھر بھر کر ایک دوسرے کو گالیاں دیتے رہے۔ ڈائریکٹر جنرل ظفر احسن اجلاس میں موجود تھے جو بے بس دکھائی دیے۔

افسران لاتوں اور مکوں سے ایک دوسری کی تواضع کرتے رہے، گالیاں دیتے رہے لیکن ڈی جی صاحب کچھ نہ بولے، مزے سے بیٹھے تماشا دیکھتے رہے۔

کس نے کتنا مال بنایا سب سامنے آگیا لڑائی کے دوران افسران نے نام لے لے کر تفصیلات بتادیں، چھوٹا افسر، بڑا افسر، سب کی کرپشن سامنے آگئی۔

لیکن ڈی جی ظفر احسن نے اب تک کوئی کارروائی نہیں کی، کسی کو شوکاز دیا گیا نہ کوئی انکوائری شروع ہوئی، نہ کوئی معطل ہوا، نہ کوئی لائن حاضر۔