کوسٹ گارڈ نے دو مختلف کارروائیوں میں انیس ٹن سے زائد چھالیہ اور ہزاروں غیرملکی سگریٹ اسٹیک اور بھاری مقدار میں انڈین گٹکا برآمد کرلیا۔

عوام کی صحت کے دشمنوں کے خلاف  پاکستان کوسٹ گارڈ کی کارروائی میں کروڑوں روپے مالیت کی مضرصحت اشیا برآمد ہوئی ہے۔

ترجمان پاکستان کوسٹ گارڈ کے مطابق  وندر میں باغیچوں کے اندر چھپائی گئی ، 19ٹن سے زائد چھالیہ، ہزاروں غیرملکی سگریٹ اسٹیک  اور بھاری مقدار میں انڈین گٹکا برآمد کیا گیا۔

ایک اور کارروائی میں سپر ہائی وے پر ڈمپر  میں چھپائی گئی12ٹن سے زائد چھالیہ برآمد کرلی گئی، عالمی مارکیٹ میں پکڑی جانے والی چھالیہ اور  غیر ملکی اشیا کی مالیت کروڑوں روپے بتائی جاتی ہے۔