ناروے: ان دنوں ناروے سے تعلق رکھنے والی ایک خاتون (جو بالکل گھوڑے کی طرح چلتی اور چھلانگ لگاتی ہے) کی ویڈیو وائرل ہورہی ہے۔

تفصیلات کے مطابق عائلہ نامی اس خاتون کی تصاویر اور ویڈیوز خوب وائرل ہورہی ہیں، ان کی ویڈیوز کو اب تک دنیا بھر کے کروڑوں افراد دیکھ چکے ہیں۔

ان کے بالکل گھوڑے کی طرح چلنے اور چھلانگ لگانے کے انداز کو دیکھ کر لوگ حیران رہ جاتے ہیں، ذیل میں ویڈیو ملاحظہ کریں۔

عائلہ کرسٹائن نامی یہ خاتون تیزی سے دنیا بھر میں مقبول ہورہی ہے، ایک انٹرویو کے دوران انہوں نے کہا تھا کہ میں جانور بننا چاہتی تھی۔

انہوں نے بتایا تھا کہ محض 4 سال کی عمر میں انہیں کتوں سے بہت لگاؤ تھا اور وہ کتے کا روپ دھارنا چاہتی تھیں تاہم بعد میں انہیں گھوڑوں سے لگاؤ ہوا جس کے بعد وہ گھوڑوں کی طرح ہی دوڑنے لگیں۔

واضح رہے عائلہ کے انسٹاگرام اور ٹویٹر پر مداحوں کی بڑی تعداد موجود ہے اور لوگ ان کی صلاحیتوں کو دیکھ کر حیران رہ جاتے ہیں۔