قومی کھیل ہاکی تاریخ کے بدترین دور سے گزرنے لگی، کھلاڑی اور آفیشلز سب ہی پریشان، ڈیڑھ سال بعد پہلا قومی ایونٹ تئیس جولائی سے کراچی میں کھیلا جائے گا۔

ایک وقت وہ تھا جب پاکستان ہاکی کی بین الاقوامی مقابلوں پر حکمرانی تھی، اب پاکستان ورلڈ تو دور کی بات ایشیائی چیمپیئن بھی نہ رہا، بلکہ ملک میں قومی سطح کا ٹورنامنٹ ہوئے ڈیڑھ سال گزر گیا۔

ماضی کے مایہ نازگول کیپر شاہد علی خان کہتے ہیں کہ ہاکی فیڈریشن حکام کی ناقص حکمت عملی کے سبب قومی کھیل زوال کا شکار ہے۔

سابق کپتان محمد عرفان کا کہنا تھا کہ جب کوئی مستقبل ہی نہیں تو کوئی کیوں ہاکی کو اپنا کریئر بنائے؟

قومی ہاکی چیمپئن شپ تئیس جولائی سے شہر قائد میں شروع ہورہی ہے، لیکن کھلاڑی اس خوف کا شکار بھی ہیں کہ کہیں محکمے کی جانب سے ان کی یہ آخری چیمپیئن شپ نہ ہو۔