واشنگٹن: عالمی مالیاتی فنڈ (آئی ایم ایف) کی سربراہ کرسٹین لیگارڈے اپنے عہدے سے مستعفی ہونے کا اعلان کردیا ہے۔

کرسٹین لیگارڈ نے سماجی رابطے کی ویب سائٹ ٹوئٹر پر اپنے مستعفی ہونے کا اعلان کیا، اور ممکنہ طور پر 12 ستمبر کو اپنا عہدہ چھوڑ دیں گی۔

Today I informed the #IMF Board that I will resign as Managing Director of the International Monetary Fund, effective September 12. It has been a privilege to serve our 189 member countries with the devoted staff of this institution. https://t.co/WLso6ydrTE

— Christine Lagarde (@Lagarde) July 16, 2019

آئی ایم ایف کی سربراہ کا نام یورپین سینٹرل بینک کی صدارت کے امیدوروں میں شامل ہے۔

کرسٹین لیگارڈے 2011 سے آئی ایم ایف کے سربراہ کے طور پر خدمات سر انجام دے رہی تھیں۔ اب آئی ایم ایف کا بورڈ نیا سربراہ تلاش کرے گا۔

کرسٹین لیگارڈے اگر یورپین سینٹرل بینک کی صدر منتخب ہوئیں تو وہ یہ عہدہ سنبھالنے والی پہلی خاتون ہوں گی۔

خیال رہے کہ پاکستان نے حال ہی میں آئی ایم ایف سے تقریباً 6 ارب ڈالر قرض کا پیکج حاصل کیا ہے۔ اس سلسلے میں وزیراعظم عمران خان اور کرسٹین لیگارڈے کے درمیان بھی ملاقاتیں ہوئیں۔