روس کو آفیشلز کی جانب سے یورپ سے چین کے درمیان 1250 میل طویل نئے ہائی وے کی تعمیر کا گرین سگنل مل گیا۔

غیرملکی میڈیا رپورٹ کے مطابق 'میریڈین' نامی یہ ہائی وے 1250 میل یعنی تقریباً 2 ہزار کلو میٹر کے رقبے پر پھیلا ہوا ہوگا جو یورپ اور چین کے درمیان سامان منتقل کرنے کا سب سے چھوٹا روٹ ہوگا۔

رپورٹ کے مطابق ڈمٹری مدویدیو نامی ایک روسی سیاستدان نے اس پراجیکٹ کے پہلے فیز کی منظوری دے دی ہے جسے پرائیویٹ انویسٹرز اور اسٹیٹ سپورٹ کی شراکت داری کے ذریعے فنڈ کیا جائے گا۔

یہ پراجیکٹ تقریباً 9 اعشاریہ 4 بلین ڈالرز میں مکمل ہوگا، جس کی 80 فیصد زمین کو پہلے ہی خریدا جاچکا ہے۔