کراچی سمیت سندھ بھر کی نرسز کا احتجاج نویں دن میں داخل ہوگیا، نرسز نے اپنے مطالبات کی منظوری کے لئے سندھ اسمبلی کا رخ کرلیا، محکمہ صحت نے مطالبات کا جائزہ لینے کیلئے سات رکنی کمیٹی قائم کردی۔

کراچی پریس کلب پر سندھ بھر کی نرسز کا احتجاج جاری ہے، سندھ بھر سے جمع ہونے والے نرسز نے سندھ اسمبلی کے باہر مطالبات کے حق میں نعرے بازی کی۔

نرسزنےنوٹیفیکیشن کےاجراء تک دھرناجاری رکھنےکااعلان کیا۔ اس دوران پولیس اور مظاہرین آمنے سامنے آئے، پولیس نے رکاوٹیں لگا کر نرسز کو آگے بڑھنے سے روک دیا۔

سندھ نرسز الائنس کے رہنما اعجاز کلیری کا کہنا تھا کہ مذاکرات کے بعد آئندہ کا لائحہ عمل طے کیا جائے گا۔

دوسری جانب محکمہ صحت نے نرسز کے مطالبات کا جائزہ لینے کیلئے سات رکنی کمیٹی قائم کردی ہے، کمیٹی نرسزکی ترقیوں سےمتعلق محکمہ خزانہ سےمشاورت کرکے سات روز میں اپنی تجاویز دے گی۔