کراچی: تاجر ایکشن کمیٹی نے متفقہ طور پر حکومت کو 11 مطالبات پیش کرتے ہوئے 8 جولائی سے تین روزہ ہڑتال کی کال دیدی ۔

تاجروں کا مطالبہ ہے کہ حکومت ویلیو ایڈٹ ٹیکس کا نفاذ ختم کرے۔ اگر تین روز میں مطالبات نہ مانے گئے تو ہڑتال کی مدت میں توسیع کردینگے۔

دوسری جانب لاہور میں بھی آل پاکستان انجمن تاجران نے بھی بجٹ کے خلاف 13 جولائی کو ملک گیر شٹر ڈاؤن ہڑتال کا اعلان کردیا۔

تاجر رہنماؤں کا کہنا تھا کہ 30 جون کو حکومت کو چارٹر آف ڈیمانڈ کی منظوری کیلئے 7 جولائی تک کی ڈیڈلائن دی تھی مگر حکومت نے مطالبات تسلیم نہیں کئے۔ 13 جولائی کو پورے ملک میں کراچی سے خیبر تک اور گوادر سے بہاولپور تک چھوٹے بڑے تمام بازار مکمل طور بر بند ہوں گے۔