لارڈز: پاکستان اور بنگلادیش کے درمیان کھیلے گئے عالمی کپ 2019 کے 43 ویں میچ میں پاکستان نے 94 رنز سے فتح حاصل کرلی تاہم سیمی فائنل میں رسائی حاصل نہ کرسکی۔

تفصیلات کے مطابق بنگلادیشی ٹیم 316 رنز کے تعاقب میں شاہین شاہ کی تباہ کن بولنگ کا شکار ہوکر 221 رنز پر ڈھیر ہوگئی۔

بنگلادیش کی جانب سے شکیب الحسن نے 64، لٹن ڈاس نے 32، محمود اللہ نے 29 اور سومیا سرکار نے 22 رنز اسکور کئے۔

پاکستان کی جانب سے شاہین شاہ آفریدی نے تباہ کن بولنگ کا مظاہرہ کرتے ہوئے کیریئر بیسٹ 6 وکٹیں حاصل کیں۔

اس کے علاوہ شاداب خان نے دو جبکہ محمد عامر اور وہاب ریاض نے ایک ایک وکٹ حاصل کرلی ہے۔

شاہین شاہ آفریدی کو میچ کے بہترین کھلاڑی کے اعزاز سے نوازا گیا۔