انٹرنیٹ پر نظروں کو دھوکہ دینے والی ویڈیوز اور تصاویر تیزی سے وائرل ہوتی ہیں۔ لوگ سوچتے ہی رہ جاتے ہیں کہ  ان بصری واہموں کی اصل وجوہات کیا ہیں۔

حال ہی میں ایک اور بصری واہمہ سوشل میڈیا پر وائرل ہوا ہے، جس میں  ایک پُل پر کاروں کو دریا کی طرف جاتے اور  غائب ہوتے دیکھا گیا ہے۔

اس ویڈیو کو ڈینئل نام کے صارف نے شیئر کیا تھا۔ اس ویڈیو میں دکھایا گیا ہے کہ پُل پر گاڑیاں دریا کی طرف جا رہی ہیں اور غائب ہو رہی ہیں۔

Yes, the traffic just disappears. pic.twitter.com/XPcGrzadu5

— Daniel (@DannyDutch) June 29, 2019

اس ویڈیو کو دیکھ کر بہت سے  سوشل میڈیا صارفین اپنے سر کھجانے لگے۔ بہت سے صارفین نے اس پُل کو برمودا ٹرائی اینگل سے تشبیہ دی۔

تاہم کچھ دیر بعد بعض صارفین نے بتدریج پتا چلا ہی لیا کہ ویڈیو میں حقیقت میں کیا ہو رہا ہے۔ ایک ٹوئٹر صارف نے وضاحت پیش کی کہ  ویڈیو میں دکھایا جانے والا پل حقیقت میں پل نہیں بلکہ عام سڑک ہے جبکہ جو دریا نظر آ رہا ہے وہ  چھپ پر بنی پارکنگ ہے، جہاں یہ کاریں جا رہی ہیں۔