پاکستان کے سابق مایہ ناز اسپیڈ اسٹار شعیب اختر کا کہنا ہے کہ افغان کرکٹ ٹیم کے تمام کھلاڑیوں کے شناختی کارڈز نکوائے جائیں تو ان سب پر پابندی عائد ہوجائے گی۔

تفصیلات کے مطابق راولپنڈی ایکسپریس نے اپنے یوٹیوب چینل پر افغانی ٹیم سے متعلق کہا کہ پہلے ان کا ہوم گراؤنڈ کبھی پشاور، راولپنڈی ہوتا تھا۔ ہم لوگ ان کے لڑکوں کوتیارکرتےتھے، لیکن آج وہ دہلی اورنوئیڈا چلےگئے ہیں۔

انہوں نے مزید کہا کہ دہرہ دون اب ان کا ہوم گراونڈ بن گیا ہے، ہندوستان نے ان پرکافی سرمایہ کاری کی ہے، لیکن وہ افغانستان ٹیم کو بلے بازی میں مضبوط نہیں کرپائے۔

انہوں نے مزید کہا کہ اگر آج افغانستان ٹیم کے سبھی کھلاڑیوں کےآئی ڈی کارڈز نکلوالئے جائیں تو ٹیم پر پابندی عائد ہوسکتی ہے۔

 انہوں نے افغانستان کرکٹ بورڈ کے سی ای اوسمیت ان لوگوں سے گزارش کی، جو میڈیا میں بیان دیتے ہیں کہ وہ ایسا نہ کریں ورنہ سارے کے سارے آپ کے رشتہ دار پشاور اور کراچی کے نکل آئیں گے اور آپ کی ٹیم پر پابندی بھی عائد ہوسکتی ہے۔

شعیب اختر نے مزید کہا کہ ہم نے 30 لاکھ افغانیوں کو اپنے گھر میں جگہ دی ہے اور ہم انہیں پسند کرتے ہیں، پیارکرتے ہیں لیکن 29 جون کو ہم دونوں کے درمیان کوئی پیار نہیں ہوسکتا کیونکہ پاکستان کو دو پوائنٹس چاہیئے۔

ان کا کہنا تھا کہ میچ میں پاکستانی ٹیم افغانستان کو پھینٹا لگائے گی اور 2 پوائنٹس ضرور حاصل کرے گی۔ ویڈیو بھی ملاحظہ کریں۔

Shoaib Akhtar's message for Afghanistan and their cricket board ahead of clash with Pakistan. pic.twitter.com/cNynasUWbc

— Ashar Jawad (@AsharJawad) June 28, 2019