ڈھوک: حکومت کی طرف سے بچوں پر تشدد کے حوالے سے سخت قوانین متعارف کرانے کے باوجود ایسے واقعات تسلسل سے دیکھنے کو مل رہے ہیں۔ گزشتہ چند دنوں میں وائرل ہونے والی ویڈیو راولپنڈی کے ایک مدرسے کی ہے جس میں معلم نے بچے کو الٹا لٹکا کر تشدد کا نشانہ بنایا۔

سٹی پولیس افسر کیپٹن (ر) محمد فیصل راناکی ہدائیت پر تھانہ صادق آباد پولیس نے جامع مسجد سیدالمرسلین و مدرسہ تعلیم القرآن اسلامی اکیڈمی ڈھوک کشمیریاں میں بچے پر تشدد کرنے والے ملزم معلم نور محمد کو گرفتار کرکے مقدمہ درج کر لیا ہے۔

Scene from a Madarsa in Dhok Kashmiriyan Rawalpindi.
Please teach your kids Quran at home and keep an eye on how they are being treated by the teachers. Also need authorities to take action against this specific Qari pic.twitter.com/8GbyrbyT8a

— Main Abdul Majid Hoon (@ComicsByMajid) June 28, 2019

معلم نے سبق یاد نہ ہونے پر پاؤں سے رسی باندھ کرکم سن بچے کو مدرسے کی بائی منزل سے نیچے الٹا لٹکا دیا تھا جبکہ بے بسی، خوف اور تکلیف کے عالم میں چیخ و پکار کر رہا تھا۔ جس پرسی پی او نے سخت نوٹس لیتے ہوئے ڈویژنل ایس پی کو مسجد و مدرسہ کا تعین کرکے ذمہ داران کے خلاف سخت کاروائی کے احکامات جاری کئے تھے۔